مرثية الشاعر / شريف بن سمران العضيلة في الشيخ تركي بن صمدان الرحيمي رحمه الله

ترى القدر والموت ماعنه تجنيب
لكن بعض الناس موته غبينة

أهل ارن عدّوا فوق روس المراقيب
كلن يناديله بصيحة حزينة

شبابنا يقنب كما يقنب الذيب
وكبيرنا غرقت من الدمع عينة

بكوا على تركي بكا حزن ومصيب
ترى زعيم وكلنا فاقدينه

مرحوم ياشيخٍ زرع شجرة الطيب
على النقا والعدل طالت يمينه

تركي ذرى ربعه ومنصى الاجانيب
يبكيه من يبكي حدى والدينه

ركن العبادل يوم لفح الملاهيب
فالوادي اللي كلنا ساكنينه

يالله ياللي تعلم السر والغيب
ربٍ كريم وكلنا عابدينه

ترحم ولد صمدان والموقف صعيب
يوم ايتكافى كل عبدٍ بدينه

عساه فالفردوس من دون تعذيب
وفالاخره شال الكتاب بيمينه